Капыль. Раённы краязнаўчы музей.

      У самым цэнтры горада Капыль знаходзіцца раённы краязнаўчы музей. Пад музей перадалі старадаўні будынак 19-га стагоддзя, дзе раней працавала гарбарная майстэрня па вырабе і апрацоўцы скуры. Менавіта на гэтым гарбарным заводзе працаваў Цішка Гартны (1887 – 1937) - палітык і пісьменнік, першы кіраўнік Савецкай Беларусі.

       Музей быў створаны яшчэ ў савецкі час. Рашэнне аб стварэнні музея было прынята ў 1978 годзе. Асноўны фонд музея налічвае больш за 20 тысяч экспанатаў і дакументаў. Плошча экспазіцыі каля 200 метраў квадратных. Музей мае некалькі калекцый: жывапіс, народнае ткацтва, Археалогія, іканапіс.

         Экспазіцыя размяшчаецца ў некалькіх залах: "Археалагічная гісторыя Капыльшчыны", "Мястэчка Капыль", "Пачатковая школа канца 19-га стагоддзя", "Этнаграфія і побыт 19 стагоддзя", "Мемарыяльны кабінет Г.М. Галубовіча", "Трагедыі і подзвіг", "Стагоддзе ХХ". У археалагічнай калекцыі прадстаўлены ўнікальныя знаходкі, якія былі выяўленыя падчас раскопак у Капылі: хірургічны нож 13-га стагоддзя, пчаліныя соты 13-га стагоддзя, частка шлема 12 – 13 стагоддзя.

      Асобная экспазіцыя прысвечана выбітным землякам. Родам з Капыльскага краю мастак і графік Генадзь Міхайлавіч Голубаў (1934-1992).

       Музей мае два філіялы: мястэчка Семежава Дом-музей Героя Беларусі Міхаіла Высоцкага і ў Музей этнаграфіі і побыту ў мястэчку Вялешына-1.