Капыль. Помнік Цішцы Гартнаму.

У горадзе Капылі нарадзіўся першы кіраўнік Савецкай Беларусі Цішка Гартны, або Дзмітрый Фёдаравіч Жылуновіч. Захаваўся драўляны дом палітыка і пісьменніка на вуліцы Жылуновіча, дом 39. Каля раённага краязнаўчага музея ўсталяваны гранітны помнік.

      Цішка Гартны (1887-1937) - грамадскі і палітычны дзеяч, пісьменнік і паэт, перакладчык. Акадэмік АН Беларусі. Нарадзіўся ў Капылі ў сялянскай сям'і. Працаваў рамеснікам у Капылі, у Беларусі, Літве і Украіне. У Капылі захаваўся будынак гарбарнай майстэрні 19-га стагоддзя, дзе працаваў т.Гартны. У гэтым будынку зараз знаходзіцца краязнаўчы музей.

         Працаваў у Санкт-Пецярбургу на заводах і прымаў удзел у грамадскім жыцці. У 1918 годзе быў рэдактарам першай бальшавіцкай газеты «Дзянніца». З 1 студзеня па 3 лютага 1919 года з'яўляўся старшынёй Часовага ўрада Савецкай Сацыялістычнай Рэспублікі Беларусь. Аўтар Маніфеста аб стварэнні ССРБ.

      Абвяшчэнне ССРБ адбылося ў горадзе Смаленску, дзе на будынку абласной філармоніі ўстаноўлена памятная шыльда: «у гэтым будынку 30 – 31 снежня 1918 г.праходзіў першы з'езд Камуністычнай партыі бальшавікоў Беларусі, які абвясціў аб утварэнні Беларускай Савецкай Сацыялістычнай Рэспублікі».

        Затым Гартны працуе ў газетах, выдавецтвах, архіве і палітработнікам у Чырвонай Арміі. Працуе ў Наркамаце асветы і Инбелкульте. Займаўся выданнем беларускіх падручнікаў і мастацкіх кніг.   

         У 1931 годзе выключаны з Кампартыі. Арыштаваны ў 1936 годзе. Пераведзены ў горад Магілёў у псіхіятрычную бальніцу, дзе і памёр у красавіку 1937 года. Па іншых крыніцах - скончыў жыццё самагубствам. Рэабілітаваны.