Нясвіж. Гісторыка-краязнаўчы музей.

Калі наведаеце экскурсію ў старажытны горад Нясвіж, то ўсю вашу ўвагу і вольны час забярэ палац і парк магнатаў Радзівілаў. Вельмі часта не хапае часу ў гасцей і турыстаў на мясцовы гісторыка-краязнаўчы музей.

        Музей знаходзіцца на цэнтральнай вуліцы Ленінскай у старадаўнім будынку з чырвонай цэглы арыгінальнай архітэктуры. Рашэнне аб адкрыцці музея было прынята ў 1989 годзе. Адчыніў свае дзверы музей у 1995 годзе. З 2005 года музей пачаў называцца Дзяржаўная ўстанова «Нясвіжскі гісторыка–краязнаўчы музей».

        Экспазіцыя музея размяшчаецца ў пяці пастаянных залах і дзвюх выставачных залах: «Гандаль і рамяство Нясвіжчыны», «Зберагаючы самабытнасць», «Нясвіж. Старонкі легенд і гісторыі", "Вайна. Трагедыя. Подзвіг", "Выратаваныя каштоўнасці". У музеі маецца 18 калекцый і налічвае больш за 14 тысяч адзінак дакументаў і гістарычных артэфактаў. Значнымі калекцыямі ў фондах з'яўляюцца "кнігі і друкаваныя выданні», «жывапіс і графіка», «фотадакументы», «посуд».

         Ёсць таксама калекцыя мастака, графіка і гравёра Міхаіла Сеўрука (1905-1979). У цэнтры Нясвіжа на вуліцы Садовай працуе дом-музей мастака.

М. Сеўрук працаваў і сябраваў з многімі вядомымі беларускімі дзеячамі: паэтам Максімам Танкам, мастакамі Іосіфам Драздовічам і Пятром Сергіевічам, кампазітарам Рыгорам Шырмай.

       У музеі ёсць мноства ўнікальных музейных экспанатаў, напрыклад, "Талеравы кубак" са срэбра 18-га стагоддзя, літургічная кніга 16-17 стагоддзя з бернардзінскага кляштара Нясвіжа.

       Пры музеі таксама працуюць рамесныя майстэрні - кузня і ганчарная майстэрня.