Реклама. ООО «Бронирование гостиниц». ИНН 7703389880
Капыль. Гандлёвыя рады.
Славутасьць
Беларусь, Мінская вобл., г. Капыль, Плошча Леніна, 2 А.
Апісанне
На былой Гандлёвай плошчы, а зараз гэта Плошча Леніна, захавалася некалькі мураваных будынкаў былых крамаў. Плошча знаходзіцца ў гістарычным цэнтры мястэчка. Будынкі мураваныя, аднапавярховыя, атынкаваныя, узведзены ў стылі эклектыкі. У апошнія гады старажытныя будынкі былі адрамантаваныя. Зараз гэтыя дамы выкарыстоўваюцца па свайму непасрэднаму прызначэнню – тут працуюць крамы і кафэ.
На плошчы таксама знаходзіцца гарадскі сядзібны дом Клейнбартаў. Будынак мураваны аднапавярховы. Належыў Льву Клейнбарту (1875 – 1950) – журналісту і пісьменніку.
Катэгорыі
Гістарычнае
Помнік архітэктуры
Застаняцеся на ноч?
Гатэлі, кватэры і дамы для паездкі па Беларусі. Выберыце сэрвіс і паглядзіце даступныя варыянты.

Реклама. АО "СУТОЧНО". ИНН 7300037501
Реклама. ООО «Яндекс Вертикали». ИНН 7736207543
Браніраванне на сайце сэрвісу. Мы можам атрымаць камісію.
Пра сэрвісыКаментары
Нататкі да месца
1Алег Дзьячкоу
05.03.2025
Капыль. Гандлёвыя рады.
У гістарычным цэнтры Капыля на былой гандлёвай плошчы захавалася некалькі старажытных будынкаў дамоў гандляроў і крамаў. У часы Вялікага Княства Літоўскага і Расійскай імперыі горад меў значную рамесную і гандлёвую інфраструктуру.
Упершыню Капыль згадваецца ў гістарычных крыніцах у 13 стагоддзі. На тэрыторыі горада захаваліся курганы і гарадзішча, якія ў 8 – 11 стагоддзях належалі дрыгавічам. У гістарычным цэнтры ёсць Замкавая гара, дзе ў 11 – 13 стагоддзях быў Дзяцінец і жыў князь з дружынай, а ў 14-18 стагоддзях быў драўляны замак з рэзідэнцыяй князёў Алелькавічаў і Радзівілаў.
У 14 стагоддзі Капыль становіцца цэнтрам асобнага княства з дынастыяй Алелькавічаў. У 14 стагоддзі будуецца драўляны Каталіцкі Касцёл. У 16 стагоддзі пабудавана царква і кальвінскі збор.
У 1612 годзе, калі памерла князёўна Соф'я – апошняя прадстаўніца роду Алелькавічаў, Капыльскае княства перайшло да роду Радзівілаў.
У 1652 годзе Капыль атрымаў Магдэбургскае права ад караля Уладзіслава Вазы, што дало вялікі штуршок для развіцця гандлю і рамяство. Атрымаў Капыль і герб "У залатым полі чорны паляўнічы рог". З гэтай прывілеі пачалі праводзіць кірмашы і кожны тыдзень таргі па пятніцах. У 17 стагоддзі ў горадзе працавала пяць цэхаў рамеснікаў: ганчарны, шавецкі, разніцкі, кравецкі і шапашны. У 1750 годзе ў мястэчку згадваецца ў дакументах 244 рамеснікі, якія складалі 20 розных прафесій.
Пасля падзелаў Рэчы Паспалітай у 1793 годзе Капыль увайшоў у склад Слуцкага павета Мінскай губерні. У 1795 годзе ў Капылі працавалі 2 касцёлы, 1 царква, карчма і 3 млыны. У пачатку 19-га стагоддзя мястэчка належала Вітгенштэйну. У 1886 годзе працавалі касцёл, царква, 4 яўрэйскія сінагогі і малітоўныя школы, 87 магазінаў, бровар, млын і 6 заезных дамоў. У 1897 годзе працавала 92 крамы, заезны дом і 7 корчм.
У часы Першай сусветнай вайны і ў часы Рэвалюцыі Капыль быў пад акупацыяй нямецкіх войскаў, а потым польскіх войскаў. З 1924 года ўвайшоў у склад БССР.

-1741179110225.jpg&w=3840&q=75)
