Вялікае Княства Сула. Парк гісторыі.

Гісторыя сядзібы Ленскіх у Суле, выкананага ў стылі класіцызму, сыходзіць каранямі ў 18-е стагоддзе. Менавіта тады яна набыла свае характэрныя абрысы: быў пабудаваны сядзібны дом у стылі класіцызму, капліца-пахавальня ў выглядзе тасканскай ратонды, млын на рацэ, лядоўня, броварны завод і гаспадарскі двор. Тэрыторыю ўпрыгожваў маляўнічы пейзажны парк са штучным вадаёмам.

У пачатку 19-га стагоддзя сядзіба працягвала развівацца: яе архітэктура пашыралася і перабудоўвалася, захоўваючы элегантнасць і дух шляхецкай эпохі. Аднак у 1939 годзе, з прыходам новай улады, сядзібны дом быў узарваны, а ўся маёмасць, уключаючы прадметы побыту, мэблю і архівы, была рэквізавана. У выніку часу і гістарычных узрушэнняў большая частка комплексу апынулася страчанай. Да нашых дзён дайшлі толькі асобныя гаспадарчыя пабудовы.

Толькі ў 2006 годзе пачаліся маштабныя аднаўленчыя работы. Працэс рэстаўрацыі доўжыўся шэсць гадоў. Ужо вясной у 2012 годзе на тэрыторыі сядзібы адкрыўся парк інтэрактыўнай гісторыі «Сула», а таксама музей-сядзіба Ленскіх, вядомая як «Панскі маёнтак Сула».

Сёння сядзіба Ленскіх функцыянуе як буцік-гатэль, прымаючы гасцей з розных гарадоў, і адначасова служыць культурным цэнтрам, дзе рэгулярна праходзяць разнастайныя мерапрыемствы.

У Суле знаходзяцца гістарычныя аб'екты з розных эпох: старажытная, старабеларуская, варагі, сярэднявечная, шляхецтва. Тут можна пабываць на стаянцы старажытнага чалавека, капішча старажытных багоў, у вёсцы вікінгаў з іх караблём(ладдзя, дракар), на якім можна пракаціцца. Цікава зайсці ў музей ганчарнага мастацтва, музей адукацыі, у музей кавальскага майстэрства, паглядзець як быў уладкованы вадзяны млын усярэдзіне і звонку. Таксама варта ўбачыць стайню, паляўнічую рэзідэнцыю і каралеўскую асамблею знакамітага Стэфана Баторыя. У канцы гістарычнага парка размешчаны музей-аптэка "Зёлкі", пякарня, у якой можна купіць свежы хлеб, музей сыру, майстэрня ткацтва і карчма з моцнымі напоямі. Гэтае месца вельмі чапляе сваёй атмасферай: гучыць сярэднявечная музыка, вельмі шмат старадаўніх прадметаў побыту, экскурсаводы носяць гістарычныя касцюмы, расказваюць усё цікава і падрабязна на роднай беларускай мове. Наведвальнікам прапануецца паўдзельнічаць у розных актыўнасцях, конкурсах і спаборніцтвах. Ахвотныя могуць наведаць рэстаран з нацыянальнай беларускай ежай і напоямі. Апроч гэтага ўвесь Парк гісторыі атачае цудоўная і маляўнічая прырода з дрэвамі і рознымі раслінамі, возера з пяском і шэзлонгамі, сажалка, альтанкі і дзіцячыя пляцоўкі, можна пакарміць козачак і пагуляць на прыгожай прыродзе.

Наведаць гэты музей-гэта не толькі лепшы спосаб акунуцца ў дагістарычнае мінулае нашай краіны, але і спосаб проста выдатна правесці час са сваёй сям'ёй і сябрамі.