Капцёўка. Касцёл Унебаўзяцця Найсвяцейшай Дзевы Марыі

У Гродзенскім раёне ў мястэчку Капцёўка пабудаваныя мураваны касцёл Унебаўзяцця Найсвяцейшай Дзевы Марыі і мураваная праваслаўная Свята – Успенская царква. Пасля Рыжскага міру 1921 года мястэчка ўвайшло ў склад Польскай дзяржавы да 1939 года.

 У студзені 1936 года было прынята рашэнне аб будаўніцтве каталіцкага касцёла ў Капцёўке. У красавіку 1936 года віленскі мітрапаліт Рамуальд Ялбжыкоўскі асвяціў месца будучага храма. Летам таго ж года была афіцыйна створана парафія ў мястэчку.

 У верасні 1939 года дабудавалі будынак плябані. Будынак касцёла амаль увесь ўзвялі – заставалася толькі будынак накрыць дахам. Але з пачаткам вайны і прыходам савецкай улады працы былі спынены. Будынак плябані забралі новыя ўлады пад амбулаторыю.

Пасля Вялікай Айчыннай вайны ў касцёльных памяшканнях быў створаны склад, а потым зрабілі млын. Напрыканцы існавання Савецкага Саюза касцёл вярнулі каталіцкім вернікам. Летам 1991 года ў касцёле прайшла першая служба. У 1995 годзе храм зноў асвяцілі.

 Вясной 1997 года асвяцілі звон з іменем «Марыя». Вялікаю дапамогу ў адраджэнні касцёла аказалі каталікі Польшчы. Арган падаравала парафія Святой Барбары ў Варшаве. У 2000 годзе ў галоўны алтар былі ўмурованы рэліквіі Святой Вікторыі і Святога Марсуэлы.