Комсічы. Царква Раства Багародзіцы.

У мястэчку Комсічы Капыльскага раёна ёсць драўляная праваслаўная царква, якая асвечана ў гонар Раства Багародзіцы. Храм пабудаваны на захадзе мястэчка на мясцовых могілках. Царква пабудавана ў часы Расійскай імперыі ў 19 стагоддзі, і была прыпісана да царквы Святой Тройцы ў найбліжэйшай мястэчку Савічы.

        Пасля рэвалюцыі ў савецкія часы храм зачынілі. У 1930-я гады будынак прыстасавалі пад мясцовы клуб. У часы Вялікай Айчыннай вайны святыню зноў перадалі праваслаўным вернікам. Будынак быў адрамантаваны. Пасля вайны царкву зноў зачынілі ў 1957 годзе. Будынак перадалі для гаспадарчых патрэб мясцовага калгаса. У храме адкрылі склад.

         Царква пабудавана ў традыцыях беларускага народнага дойлідства. Мае падоўжна-восевую кампазіцыю. Царква складаецца з трох асноўных частак: бабінец, малітоўная зала і апсіда. Над бабінцам надбудавана вежа-званіца. Да алтара прыбудавана рызніца. Асноўны аб'ём храма накрыты чатырохсхільным гонтавым дахам. (Гонт - гэта тонкая невялікая драўляная дошка.)

        На сённяшні дзень храм знаходзіцца ў занядбаным стане.