Гродна. Воданапорныя вежы Кася і Бася.

На ўскраіне гістарычнага цэнтра ў горадзе Гродна размешчаны дзве найпрыгажэйшыя воданапорныя вежы. Яны былі пабудаваны ў канцы 19 стагоддзя, у той перыяд, калі ў горадзе ўдасканальвалася сістэма водазабеспячэння.

Вышыня вежаў складае 22 метры. Гэта вельмі цікавыя будынкі, якія хочацца разглядаць. Вежы маюць васьмікутныя фасады, з элементамі эклектыкі, карункамі і арнаментамі.

Ружовая вежа, якая складаецца з двух ярусаў, была пабудавана ў 1890 годзе першай. Вежа жоўтага колеру была пабудавана ў 1910-х гадах. Яна мае больш яркі выгляд і багаты дэкор: фігурная ліштва, цікавыя дэкаратыўныя элементы.

Невядома якое менавіта імя носіць кожная з дзвюх веж. Дакладных дадзеных аб паходжанні назову веж, нажаль, таксама няма.

Цяпер у вежах размяшчаюцца мастацкія майстэрні, дзе таксама праводзяцца майстар-класы і розныя мастацкія выставы. На тэрыторыі творчых майстэрняў можна паглядзець мініяцюрныя скульптуры з каменя. Напрыклад, каля адной з вежаў усталявана фігурка навукоўца ката, які вартуе шпакоўню.

З прылеглай тэрыторыі адкрываецца цудоўны від на Гродна.

У цэлым, гэта проста незвычайнае і арыгінальнае архітэктурнае збудаванне. Толькі крыху шкада, што нельга патрапіць унутр.