Гродна. Дом Жамайцеля (вуліца Карла Маркса, 32).

     У горадзе Гродна ў гістарычным цэнтры на вуліцы Карла Маркса (дом нумар 32) знаходзіцца помнік архітэктуры - Дом Жамайцеля. Вуліца Карла Маркса адна з найстарэйшых у Гродне і сфарміравалася яшчэ ў часы Вялікага Княства Літоўскага. У розныя эпохі мела розныя назвы. У часы Расійскай імперыі, калі быў пабудаваны Дом Жамайцеля, вуліца называлася Купецкая.

              Будынак пабудаваны ў 1876 годзе ў стылі эклектыкі. Па некаторай інфармацыі, дом пабудаваны ў канцы 19-га стагоддзя. Мае статус гісторыка-культурнай каштоўнасці. Каменны, двухпавярховы, атынкаваны. На парадным фасадзе захаваўся дэкор. Маецца два літых чыгунных балкона.

          Дом пабудаваны за сродкі палкоўніка Паўла Жамайцеля. У гонар яго і названы будынак. Палкоўнік з сям'ёй жыў на другім паверсе. А чатыры кватэры на першым паверсе здаваў у арэнду. У 1911 годзе ў адной з кватэр жыў судовы прыстаў пры акруговым судзе Рафаловіч.

          У выніку савецка-польскай вайны і Рыжскага міру з 1921 года па 1939 год горад Гродна ўваходзіў у склад Польскай Рэспублікі. У гэты перыяд у 1920-я гады ў будынку былі жылыя кватэры, і тут пражывала дваццаць шэсць чалавек.

          У апошнія гады помнік быў адрэстаўраваны і тут, як і раней, знаходзяцца жылыя кватэры.