Гродна. Помнік князю Вітаўту.
Славутасьць
Беларусь, Гродзенская вобл., г. Гродна, вул. Замкавая.
0
318
09.11.2024
Апісанне
Усе госці Гродна наведваюць старадаўнія замкі горада: Стары і Новы. А паміж замкамі знаходзіцца помнік вялікаму князю Літоўскаму Вітаўту (1350-1430), пры якім Вялікае Княства Літоўскае набыло найбольшую магутнасць.
Гродна быў адной з рэзідэнцый Вітаўта, і тут ён бываў не раз. У пачатку 1990-х гадоў літоўскі фонд культуры падарыў гораду гэты помнік. І з таго часу Вітаўт Вялікі, як яго часам у нас называюць, сустракае нашых гасцей пры наведванні замкаў.
Катэгорыі
Гістарычнае
Месцазнаходжанне
Шырата: 53.6768676
Даўгата: 23.82443364
Каментары
Усяго каментароў: 0
Нататкі да месца
1Алег Дзьячкоу
09.11.2024
Гродна. Помнік князю Вітаўту
У Гродне падчас вашай прагулкі па вуліцы Замкавай вы абавязкова прыйдзеце да старога і Новага замкаў. І перад тым як наведаць старадаўнія беларускія цьвердзі, вы ўбачыце невялікі сціплы драўляны помнік. Гэта скульптура вялікага князя літоўскага Вітаўта Вялікага (1350 -1430).
Помнік князю тут паўстаў не выпадкова. Тут у Гродне была рэзідэнцыя князя Вітаўта і менавіта адсюль князь павёў свае войскі на Грунвальдскую бітву, у якой атрымаў бліскучую перамогу. Вітаўт Вялікі-князь Гарадзенскі, Луцкі, вялікі князь літоўскі, кароль гусітаў. Сын князя Кейстута і пляменнік князя Альгерда, стрыечны брат караля Польшчы Ягайлы.
Стаў яшчэ пры жыцці называцца Вітаўтам Вялікім, дзякуючы свайму паспяховаму праўленню ў Вялікім Княстве Літоўскім. Менавіта пры Вітаўце княства Літоўскае набыло найбольшую магутнасць, і яго межы праходзілі ад Мажайска да Беластока і ад Чорнага мора да Балтыкі.
Помнік быў падораны гораду Гродна ў пачатку 1990-х гадоў, і ўяўляе з сябе драўляную скульптуру Вітаўта, якая ўсталяваная паміж Старым і Новым замкам. Каля помніка звычайна прадаюць сувеніры і вырабляюць памятныя старадаўнія манеты.
Каментары
Усяго каментароў: 0