Гродна. Дом Шаи Пік.

У горадзе Гродна па вуліцы Савецкай, якая ў самым гістарычным цэнтры і з даўніх часоў лічыцца пешаходнай, знаходзіцца гістарыяны будынак (пад нумарам 13), які называюць домам Шаі Пік.

Помнік мураваны, трохпавярховы, знаходзіцца каля «Алеі кіно» у цэнтры вуліцы. Будынак ўзведзены паміж 1811 і 1831 гадамі і ў 1990–м значна перабудаваны. Дом Г – падобны ў плане, накрыты двухсхільным дахам. У пачатку 19 стагоддзя ў будынку было два паверхі.

 У сярэдзіне 19 стагоддзя будынак патрапіў на карціну вядомага мастака і кампазітара Напалеона Орды, дзе бачна, што дом ужо трохпавярховы з мансардай. У 1884 годзе гаспадаром будынка быў уладальнік мебельнай фабрыкі купец Шаі Пік. Потым будынкам валодалі яго родныя. У будынку распалагаліся атэлье, мэблевая крама і склад мэблі. Было больш дзясятка жылых кватэр.

Пасля Вялікай Айчыннай вайны у будынку працавалі рабочы клуб і крамы, у тым ліку камерцыйная хлебная крама. У 1950 – 1960–я гады працавалі майстэрня бытавога абслугоўвання насельніцтва і крама «Адзенне». Зараз тут размяшчаецца салон касметыкі і парфюмерыі «Іў Рашэ». На тарцавой частке дома вісіць ілюстрацыя гістарычнай панарамы Гродна.