Гродна. Царква Раства Багародзіцы і манастыр.

У гістарычным цэнтры Гродна прама каля замка знаходзіцца праваслаўная царква і манастыр. Храм асвячоны ў гонар Раства Багародзіцы. Каля царквы знаходзіцца жылы манастырскі і гаспадарчы корпус.

 Першапачаткова храм быў пабудаваны, як уніяцкі ў часы Вялікага Княства Літоўскага. Раней на гэтым месцы ў 12 стагоддзі была пабудавана праваслаўная Прачысценская царква ў стылі Гродзенскай школы дойлідства.

 Манастыр базыльянаў быў заснаваны ў 1632 годзе па ініцыятыве уніяцкага мітрапаліта Антонія Сялявы. Першая ігумення Базілія Сапега. У 1641 годзе манастыр меў толькі пяць манахінь. Пасля пажару 1647 года, які знішчыў старую царкву, была пабудавана новая царква Раства Багародзіцы. Храм згарэў у 1720 годзе. 

У 1720 годзе пачалося будаўніцтва мураванай царквы і манастыра пад кіраўніцтвам архітэктара Іосіфа Фантана ІІІ (1700 – 1755). Сродкі на будаўніцтва выдаў уніяцкі мітрапаліт Леў Кішка. Святыня была асвечана ў 1751 годзе.

У 19 стагоддзі ў часы Расійскай імперыі манастыр перадалі праваслаўным вернікам. Царква была перабудавана. На тэрыторыі манастыра пабудавалі цёплую царкву Святога Сергія Раданежскага. Узведзены гаспадарчы будынак. 

Пасля Вялікай Айчыннай вайны манахіні пераехалі ў Жыровічы. У 1977 – 1992 гадах у манастыры працаваў Рэспубліканскі музей атэізму і гісторыі рэлігіі. У 1992 годзе царква і манастыр перададзена вернікам.