Гродзенскі дзяржаўны музей гісторыі рэлігіі.

Гродзенскі дзяржаўны музей гісторыі рэлігіі - адзіны музей у Рэспубліцы Беларусь, які вывучае і адлюстроўвае гісторыю рэлігіі і культуры Беларусі.

Свой пачатак ён бярэ ў Полацку. Па ўказе Міністэрства культуры БССР, 4 снежня 1973 года было прынята рашэнне аб арганізацыі і стварэнні Рэспубліканскага музея атэізму ў Полацку. Музеям рэспублікі было даручана стварэнне спісаў музейных прадметаў па гісторыі рэлігіі і атэізму, якія знаходзіліся ў іх фондах для фармавання калекцый Рэспубліканскага музея атэізму. 6 чэрвеня 1977 г. музей быў перайменаваны ў Рэспубліканскі музей атэізму і гісторыі рэлігіі, і пераведзены ў Гродна.

Для размяшчэння экспазіцый, фондавых калекцый і супрацоўнікаў музея былі выдзелены будынкі былога жаночага манастыра Раства Багародзіцы па вуліцы Навазамкавая, 3 (сучасная вуліца Давіда Гродзенскага). У 1979 годзе ў манастырскім комплексе распачаліся рэстаўрацыйныя працы. Пасля правядзення рэстаўрацыйных работ, музей атрымаў пятнаццаць экспазіцыйных залаў, тры выставачныя залы і адну лекцыйную залу. Выставачная плошча склала больш за 2200 квадратных метраў.

Музейны фонд пачаў фармавацца ў 1974 годзе. На момант пераводу музея з Полацка ў Гродна ў ім было 1817 адзінак захоўвання. На 1 студзеня 1990 года музейныя калекцыі налічвалі 30931 адзінак захоўвання. 13 верасня 1989 года Рэспубліканскі музей атэізму і гісторыі рэлігіі быў перайменаваны ў Беларускі дзяржаўны музей гісторыі рэлігіі. У 2005 г. слова "Беларускі" было заменена на "Гродзенскі".

На працягу 1992-1998 гг. будынак, у якім знаходзіўся музей, былі вернуты адноўленаму праваслаўнаму Свята-Раства-Багародзіцкаму жаночаму манастыру. У жніўні 2005 г. музей атрымаў двухпавярховы палац, які з'яўляецца помнікам грамадзянскай архітэктуры эпохі класіцызму з элементамі барока сярэдзіны XVIII ст., у 2006 г. пачаліся рамонтна-аднаўленчыя работы.

На 01.01.2012 г. асноўны фонд музея складаў 65 944 адзінкі захоўвання, якія разам складалі 14 калекцый. Сярод помнікаў рарытэты і ўнікальныя творы. Акрамя традыцыйных форм работы, экскурсій па экспазіцыі і выставах, лекцый, музейных урокаў і музейных заняткаў, музеем распрацавана і рэалізуецца праграма "Музей і дзеці", праграма работы з дзецьмі-інвалідамі, дзецьмі-сіротамі, адзінокімі састарэлымі людзьмі, праводзяцца тэматычныя экскурсіі і канцэрты духоўнай і класічнай музыкі.

Пры наведванні абавязкова бярыце экскурсію, каб на некалькі гадзін акунуцца ў гісторыю рэлігій і канфесій на тэрыторыі Беларусі з ранніх часоў. Гіды вельмі захопленыя прадметам і дасведчаныя людзі.