Гродна. Вуліца Карла Маркса дом № 4.

              У горадзе Гродна за касцёлам Францыска Ксаверыя знаходзіца невялікі двухпавярховы будынак пад № 4. Дом вуглавы і пабудаваны на скрыжаванні з вуліцай Гараднічанскай. Помнік вельмі старажытны і з'яўляецца часткай былога езуіцкага калегіўма 17 – 18-га стагоддзя.

             У пачатку 20-га стагоддзя ў гэтым доме жылі Савіцкія, родныя пісьменніцы Зоські Верас (1892 - 1991). Тут была кватэра дзядулі і бабулі пісьменніцы, а сама Зоська хадзіла вучыцца праз дарогу ў прыватную жаночую гімназію Баркоўскай. У 1909 – 1913 гада З.Верас прымала актыўны ўдзел у працы Гродзенскага кружка беларускай моладзі. Пра гэты цікавы перыяд свайго жыцця пісьменніца апісала ў сваіх мемуарх. 

             Пасля Рыжскага міру 1921 года, калі Гродна перайшло да Польскай дзяржавы, у будынку пачаў працаваць кінатэатр. Пасля прыходу савецкай улады ў перыяд з 1939 года па 1941 таксама працаваў кінатэатр пад назвай «КИМ».

             Пасля Вялікай Айчыннай вайны з восені 1944 да 1960 – х гадоў у доме размяшчаўся клуб чыгуначнікаў. З 1957 года працаваў Клуб будаўнікоў.

             У 1991 годзе пачынаецца рэстаўрацыя помніка, якая скончылася ў 2001 годзе. Помнік рэстаўравалі і правялі рэканструкцыю. Будынак перадалі каталіцкаму касцёлу і тут знаходзіцца Курыя Гродзенскай дыяцэзіі Рымска–каталіцкай царквы.