Гродна. Дом Касцялкоўскага (вул. Карла Маркса, 5).

Славутасьць

Беларусь, Гродзенская вобл., г. Гродна, вул. к. Маркса, 5.

28.02.2025

Апісанне

На вуліцы К. Маркса ў Гродне захаваўся каменны двухпавярховы будынак пад назвай Дом Касцялкоўскага. Будынак пабудаваны ў 1870 годзе ў стылі эклектыкі. У доме жыў вядомы гісторык Станіслаў Касцялкоўскі. Наступныя ўладальнікі маёмасці былі Фількевічы. Меў кватэру ў будынку лекар Энгельгард. Працавалі аптэка Развадоўскага і Антановіча, крама Берты Тыпаграф, крама Абрама Віліна, цырульня Савінскага і аптэчны склад Лацкага.

Катэгорыі

Гістарычнае

Помнік архітэктуры

Месцазнаходжанне

Шырата: 53.6778302
Даўгата: 23.8317383

Каментары

Усяго каментароў: 0

Нататкі да месца

Алег Дзьячкоу

28.02.2025

Гродна. Вуліца Карла Маркса. Дом Касцялкоўскага.

У горадзе Гродна па вуліцы К. Маркса (пад нумарам 5) знаходзіцца старадаўні каменны будынак, які вядомы як Дом Касцялкоўскага. Будынак двухпавярховы, узведзены ў часы Расійскай імперыі ў 1870 годзе ў стылі эклектыкі. Мае статус гісторыка-культурнай каштоўнасці.

Дом узведзены з цэглы, атынкаваны. На першым паверсе ёсць арачны праезд. Фасад на першым паверсе пасля перабудовы страціў свой дэкор. Ўпрыгажэнні і балкон з чыгуннага ліцця маюцца на другім паверсе.

Першымі гаспадарамі гэтага будынка былі Касцялкоўскія. У доме жыў вядомы гісторык Станіслаў Касцялкоўскі (1881 – 1960) - прафесар Віленскага ўніверсітэта Стэфана Баторыя, беларускі і польскі гісторык.

Наступныя ўладальнікі маёмасці Фількевічы. Меў кватэру ў будынку лекар Энгельгард. Працавалі таксама аптэка Развадоўскага і Антановіча, крама Берты Тыпаграф, крама Абрама Віліна, цырульня Каэтана Савінскага і аптэчны склад Эліі Лацкай.

Цяпер у будынку працуе некалькі крамаў, і ў тым ліку салон прыгажосці.

Каментары

Усяго каментароў: 0