Гродна. Савецкая плошча.

     У гістарычным цэнтры Гродна знаходзіцца адна з галоўных плошчаў горада пад назвай Савецкая плошча. Плошча за сваю гісторыю некалькі разоў мяняла назву. Першапачаткова была Гандлёвая плошча, потым Ратушная, Саборная, Стэфана Баторыя, Кірхпляц і Савецкая.

         У 14 стагоддзі на плошчы князь Вітаўт заснаваў драўляны касцёл пад назвай Фара Вітаўта. Храм не захаваўся да нашага часу і на яго месцы ўсталяваны памятны знак на ўскрайку плошчы ў скверы. Плошча з Старым замкам была звязана Замкавай вуліцай, на якой захавалася шмат старажытных будынкаў.

           Плошча становіцца цэнтрам грамадскага жыцця Гродна. Мае прамавугольную форму. У пачатку 16-га стагоддзя будуецца ратуша, дзе працаваў гарадскі магістрат. На месцы сучаснага Палаца культуры тэкстыльшчыкаў існаваў Замкавы двор. Дарэчы, пра гэты палац існуе легенда, што пабудавалі яго ў савецкія часы не парадным фасадам да Савецкай плошчы, а тыльным бокам.

         На вуглу вуліцы Савецкай і плошчы ў 16 стагоддзі будуецца першая гарадская карчма. Будынак захаваўся да нашага часу ў перабудаваным выглядзе.

         У гэты ж час будуеца палац караля Стэфана Баторыя, які вядомы, як Баторыеўка і знаходзіцца каля касцёла Францыска Ксаверыя. Касцёл належыў каталіцкаму ордэну езуітаў і пабудаваны ў пачатку 18-га стагоддзя. Каля касцёла знаходзіцца музей–аптэка 17-га стагоддзя і езуіцкі калегіўм.

          У 17 стагоддзі будуецца на плошчы палац магнатаў Радзівілаў, які не захаваўся да нашага часу. На плошчы ўзведзены будынак у стылі мадэрн Дом купца Мураў'ёва.

           На Савецкай плошчы захавалася некалькі помнікаў архітэктуры розных эпох і стыляў. У апошнія гады плошча была добраўпарадкавана, а помнікі адрэстаўраваны.