Гродна. Баторыеўка, або Палац Сапегаў.

     У Гродне на Савецкай плошчы каля Каталіцкага Касцёла знаходзіцца старадаўні будынак пад назвай Баторыеўка, або палац Сапегаў. Будынак узведзены ў часы караля Стэфана Баторыя, і выкарыстоўвалася як каралеўская рэзідэнцыя. Лічыцца, што пасля смерці Баторыя менавіта ў гэтым будынку праводзілі яго анатамічнае даследаванне і бальзамаванне. Таму будынак і названы ў гонар Стэфана Баторыя (1533-1586).

            Потым тут была рэзідэнцыя магнатаў Патоцкіх. У 17 стагоддзі будынак належаў магнатам Сапегам, таму будынак яшчэ называюць палацам Сапегаў. 

           Наступны гаспадар палаца быў кароль Рэчы Паспалітай Аўгуст II Моцны (1670-1733). Для яго будынак быў перабудаваны архітэктарамі з Саксоніі і прыстасаваны для караля. Будынак меў статус каралеўскай рэзідэнцыі. Тут таксама прайшло некалькі соймаў Рэчы Паспалітай.  

            Пасля пабудовы ў Гродне Новага замка будынак больш не выконваў ролю рэзідэнцыі. У канцы 18-га стагоддзя дом стаў уласнасцю вядомага шляхецкага роду Бжастоўскіх.

             У 19 стагоддзі тут зрабілі гасцініцу «Цэнтральную». Будынак таксама выкарыстоўваўся як жаночая гімназія, якую скончыла вядомая беларуская пісьменніца і паэтка Зоська Верас (1892-1991).

            Зараз будынак займае Гродзенскі медыцынскі ўніверсітэт. Пры заснаванні ў падвале працуе "Гродзенская кунсткамера" - анатамічная экспазіцыя, дзе прадстаўлена 80 экспанатаў.

Існуе легенда, што ў доме жыве жоўты гном.