Гарадзішча. Царква Узвіжэння Святога Крыжа.

У цэнтры мястэчка Гарадзішча Баранавіцкага раёна пабудавана драўляная праваслаўная царква Узвіжэння Святога Крыжа. Першапачаткова храм узведзены ў часы Вялікага Княства Літоўскага ў 1764 годзе і фундатарам быў віленскі стараста князь Пац. Святыня належыла ўніяцкім вернікам.

 Пасля падзелаў Рэчы Паспалітай мястэчка апынулася ў складзе Расійскай імперыі. У 1839 годзе уніяцтва было забаронена і храм перайшоў да праваслаўных. У 1879 годзе будынак значна перабудавалі ў рэтраспектыўна – рускім стылі.

У 1870 – я гады быў створаны драўляны іканастас. Каля царквы ў 1840 – я гады пабудавана драўляная званіца.

 Помнік узведзены ў традыцыях беларускай драўлянай архітэктуры з элементамі рэтраспектыўна – рускага стылю. Будынак складаецца з трох асноўных частак: прытвор, малітоўная зала і апсіда. Малітоўная зала мае кубападобны аб'ём да якой прыбудавана пяціграная апсіда. Асноўны аб'ём накрыты чатырохсхільным двухярусным дахам. Завершаны купалам – цыбулінай на васьміграным барабане.

 У інтэр'еры ёсць хоры. Каля царквы маюца старажытныя пахаванні. Тэрыторыя храма акружана каменным заборам. У апошнія гады ў царкве праведзены рамонт.