Гаравец. Пакроўская царква.

   У Лагойскім раёне ў мястэчку Гаравец знаходзіца праваслаўная царква Пакрава Прасвятой Багародзіцы. Мястэчка знаходзіцца ў самай глушы сярод лясоў і палей, і дабірацца сюды лепш з мястэчка Плешчаніцы.

         Храм узведзены ў часы Расійскай імперыі ў 19 стагоддзі ў традыцыях беларускага народнага драўлянага дойлідства.

       Царкву зачынілі ў савецкія часы ў 1929 годзе. Настаяцель храма быў арыштаваны. Будынак перадалі пад сацыяльныя патрэбы і тут працаваў мясцовы клуб, потым склад. Затым перадалі будынак пад гаспадарчыя патрэбы пад стайню. І потым працаваў склад.

        У апошнія гады існавання Савецкага Саюза ў 1990 годзе перададзены будынак праваслаўным вернікам. Быў распачаты рамонт святыні. Царква дзейнічае.

    Будынак складаецца з трох асноўных архітэктурных частак: прытвор, малітоўная зала і апсіда. Храм у плане мае прамавугольнік, які накрыты двухсхільным дахам. Да асноўнага аб'ёма прыбудавана пяціграная апсіда пад вальмавым дахам.

      У апошнія гады царква была абложана цэглай і атынкавана. У мястэчку захавалася драўляная аднапавярховая панская сядзіба і парк з векавымі ліпамі.