Даўгінава. Касцёл Святога Станіслава.

Касцёл Святога Станіслава быў пабудаваны з каменя на месцы згарэлага драўлянага храма, які прастаяў тут не адно стагоддзе. Касцёл будаваўся на ахвяраванні прыхаджан і дзякуючы ксяндзу Каласантыю Львовічу, які прыклаў вельмі шмат сіл для ўзвядзення дадзенага касцёла. Пісьменнік Адам Міцкевіч нават згадвае гэтага паважанага чалавека з выдатным розумам у сваёй паэме Дзяды.

З часу свайго адкрыцця касцёл Святога Станіслава ні разу не закрываўся. Ён перажыў войны, рэвалюцыі, антырэлігійныя ганенні, адсутнасць свайго святара працяглы перыяд. І здолеў выдужаць!

Сёння велічны і прыгожы касцёл Святога Станіслава знаходзіцца ў цудоўным стане. Ён выдатна захаваўся, мае даволі багата дэкарыраваны ўнутраны інтэр'ер. Побач з касцёлам мы можам убачыць аднаярусную драўляную званіцу 19 стагоддзя і копію скульптуры Мікеланджэла. Дагледжаная тэрыторыя вакол храма абгароджана каменнай агароджай, якая ўключае браму 19 стагоддзя. За касцёлам знаходзіцца пустуючы будынак пабудовы 19 - пачатку 20 стагоддзяў, які з'яўляецца былым домам святара.

Касцёл Святога Станіслава ў Даўгінава знаходзіцца па дарозе ў знакаміты Будслаўскі касцёл, адлегласць паміж імі крыху большая за 20 км. Гэты касцёл абавязкова трэба наведаць, бо ён таксама вельмі цікавы, з'яўляецца важным архітэктурным помнікам і славутасцю гэтай мясцовасці.