Бальцінікі. Сядзіба Путкамераў

У Воранаўскім раёне захавалася шляхецкая сядзіба, якая звязана з іменем вялікага беларускага і польскага Паэта Адама Міцкевіча. Гэта сядзіба Путкамераў у Бальцініках.

Першы палац у Бальцініках быў пабудаваны яшчэ ў 18 стагоддзі, калі мястэчка стала належыць графу Путкамеру. Гэты род тут валадарыў да 1939 года.

Гэты палац Путкамераў не захаваўся да нашагу часу, але яго адлюстраваў у сваім малюнку мастак і кампазітар Напалеон Орда, які аднойчы завітаў сюды ў госці. Гэта быў аднапавярховы мураваны будынак у стылі барока з элементамі класіцызму. Інтэр'ер у палацы быў шыкоўны, што цалкам адпавядала стутусу графскай рэзідэнцыі. Пакоі былі багата аздоблены каляровымі роспісамі і абстаўлены мэбляй у стылі ампір. 

Напрыканцы 19 стагоддзя Путкамеры пабудавалі сабе новы палац.

Новы будынак мураваны двухпавярховы дом з чырвонай цэглы. Палац узведзены ў стылі неаготыкі. Структура будынка асімітрычна. Кожны пакой быў аформлены ў нейкім архітэктурным стылі: кабінет і сталовая у стылі эпохі адраджэння, а парадны зал у стылі ракако. Добра да нашага часу захавалася некалькі кафельных печаў.

Побач з палацам ёсць пейзажны парк у некалькі гектар.

Гісторыя гэтай сядзібы цесна звязана з іменем геніяльнага паэта Адама Міцкевіча. Так здарылася, што Марыля Верашчака ў якую быў закаханы А. Міцкевіч, не пасваёй волі выйшла замуж за графа Ваўжынца Путкамера. Адам Міцкевіч часта прыязжаў сюды ў Бальценікі ў госці і закаханыя часта гулялі ў наваколлі. У бліжэйшым лесе захаваўся валун , які называюць «камнем Міцкевіча». На камяні высечаны крыж і паводле падання гэты крыж высек А. Міцкевіч, калі Марыля не прыйшла на спатканне.