Вялікія Круговічы. Сядзіба Абуховічаў

У мястэчку Вялікія Круговічы Ганцавіцкага раёна захаваўся парк і капліца–пахавальня ад былой сядзібы Абуховічаў.  Род Абуховічаў ў часы Вялікага Княства Літоўскага і Рэчы Паспалітай мелі вялікі ўплыў і валодалі агромнымі маёнткамі і ўладаннямі. І адна з іх сядзібаў была ў Вялікіх Круговічах.

У 19 стагоддзі ў мястэчку Абуховічы пабудавалі драўляны аднапавярховы невялікі палац, які пасля Вялікай Айчыннай вайны прыстасавалі пад мясцовую бібліятэку. Будынак згарэў у 1950–я гады.

У сядзібе быў цэлы шэраг гаспадарчых будынкаў: млын, свіран, леспапілка, сыраварня і іншыя пабудовы. Каля сядзібы быў пасаджаны новы парк, які складаў па плошчы 5 гектараў. У парку маецца некалькі векавых дубоў, некаторым з якіх ужо па 400 год. Акрамя дубоў, у парку растуць вязы, клёны, таполі, каштаны і іншыя віды. 

Да нашага часу захавалася капліца–пахавальня Абуховічаў. Па некаторым дадзеным капліца была пабудавана ў 18 стагоддзі, а па іншым крыніцам у 19 – м. Капліца пабудавана ў стылі класіцызму. Мае прамавугольнік у плане. Накрыта двухсхільным дахам. Пад капліцай маецца склеп.

У мястэчку захавалася праваслаўная драўляная царква 18-га стагоддзя Святога Георгія, якую фундавалі Абуховічы. Першапачаткова храм належыў уніяцкім вернікам, а потым перайшоў да праваслаўных. Царква мае статус помніка архітэктуры.