Багушэвічы. Касцёл Божага Цела
Храм
Беларусь, Мінская вобл., Бярэзінскі Р., Багушэвічы.
0
255
13.11.2024
Апісанне
На лясіста–балотных прасторах паміж Магілёвам і Мінскам нейкім цудам захаваўся прыгожы неагатычны касцёл у Багушэвічах. Мястэчка гэта знаходзіцца ў 20-ці кіламетрах ад Беразіно. Раней Багушэвічы належалі Свентаржэцкім, якія і пабудавалі касцёл Божага Цела ў 19-м стагоддзі, як радавую капліцу-пахавальню. Сядзіба Свентаржэцкіх да нашага часу не ацалела, а касцёл з'яўляецца сапраўдным упрыгожваннем гэтых мясцін. Адразу за Касцёлам працякае невялікая рачулка Уса. Каля касцёла знаходзіцца аўтамабільная дарога і вялікая паляна на беразе ракі. Так што тут будзе зручна і паркаваць аўто і можна пасля агляду помніка архітэктуры пасядзець на беразе ракі адпачыць. Касцёл адкрыты не заўсёды. І калі вы хочаце ўбачыць інтэр'ер каталіцкага храма, то варта загадзя стэлефанавацца са святаром.
Катэгорыі
Гістарычнае
Паркавая зона
Помнік архітэктуры
Актыўны адпачынак
Гідралагічны
Батанічны
Месцазнаходжанне
Шырата: 53.71479727
Даўгата: 28.82008176
Каментары
Усяго каментароў: 0
Нататкі да месца
1Алег Дзьячкоу
13.11.2024
Багушэвічы. Касцёл Божага Цела
Па шляху з Мінска на Беразіно ў Бярэзінскім раёне ёсць паварот направа на Багушэвічы. Гэта старадаўняе мястэчка на рацэ Уса, якое вядома з 16-га стагоддзя. У 17 стагоддзі князь Друцкі-Горскі заснаваў тут першы касцёл. Мястэчкам у розныя часы валодалі Завішы, Ваньковічы і Свентаржэцкія. На рацэ быў прыстань і вадзяны млын.
У 19 стагоддзі Свентаржэцкія пабудавалі касцёл Божага Цела, які ўваходзіў у склад сядзібна–паркавага ансамбля. Касцёл выкарыстоўваўся як фамільная Капліца-пахавальня для Свентаржэцкіх. Падчас антырасійскага паўстання ў 1863-1864 гадах Свентаржэцкія прымалі актыўны ўдзел, і па загадзе графа Мураўёва сядзіба іх была спалена. Падчас паўстання ў падвалах касцёла паўстанцы выраблялі і захоўвалі зброю.
Будынак касцёла каменны, пабудаваны ў стылі неаготыкі. У плане шасцігранны і мае цэнтрычную кампазіцыю. Апсіда прыбудавана з боку ракі-гэта кірунак на захад. Па перыметры Касцёла па вуглах прыбудаваны контрфорсы, якія завяршаюць невялікія чатырохгранныя вежкі. Інтэр'ер касцёла ўпрыгожаны ляпнымі нервюрамі. Лесвіца вядзе на хоры, якія аздобленыя ажурнай агароджай, выкананай у тэхніцы чыгуннага ліцця. У капліцы калісьці была крыпта з пахаваннямі роду Свентаржэцкіх.
Каментары
Усяго каментароў: 0