Беразіно. Сядзіба Патоцкіх.

Гарадок Беразіно выглядае зусім па сучаснаму, але яму ўжо 600 год. І тут існуе два дарэвалюцыйных будынка: мураваны склад пры бровары, зроблены з чырвонай цэглы і на беразі ракі Бярэзіна двухпавярховы панскі дом Патоцкіх. Самі Патоцкія ў 19 стагоддзі жылі ў Варшаве і сюды прыязжалі на лета на адпачынак. Калі мы зараз улетку ў час нашага адпачынку імкнемся выехаць за межы Беларусі ў далёкія заморскія краіны, то да рэвалюцыі паны з буйных гарадоў дужа любілі будаваць сабе сядзібы ў самых глухіх мясцінах Беларусі і адпачываць сярод нашай непаўторнай прыроды. Будынак сядзібы пабудаваны ў пачатку 19 стагоддзя, мураваны , двухпавярховы ў стылі класіцызму. Паколькі будынак знаходзіцца на самым беразе ракі, то бераг быў умацаваны бутавай каменнай падпорай. Будынак накрыты вальмавым дахам. У цэнтры галоўнага фасада на чатырох пілонах знаходзіцца мезанін, які завяршаецца трохвугольным франтонам. Аконныя праёмы прамавугольныя . Калідорная планіроўка дома вылучаецца цэнтральны вестыбюль і круглая парадная зала. У савецкія часы ў будынку была школа. У апошнія гады сядзіба пустуе і стаіць занядбаная. У будучым тут плануецца адчыніць раённы краязнаўчы музей.