Быхаў. Баркалабаўскі летапіс.

1-га верасня 2013 года ў гонар Дня беларускага пісьменства ў Быхаве на Кастрычніцкай плошчы адкрылі помнік, прысвечаны Баркалабаўскаму летапісу. Кампазіцыя ўяўляе сабой разгорнутую старажытную кнігу са старажытнымі пісьмёнамі і выявай іконы Божай Маці Баркалабоўскай. На помніку можна прачытаць вытрымкі з летапісу, які з'яўляецца ўнікальным помнікам беларускай гісторыка-мемуарнай літаратуры XVI-XVII стагоддзяў.

Летапіс быў створаны ў вёсцы Баркалабава (Быхаўскі раён) і ахоплівае перыяд з 1545 па 1608 год. Аўтарства прыпісваецца святару Фёдару Філіповічу ці аднаму з яго памагатых.

У летапісе, акрамя падзей 1545-1608 гадоў, апісаны літоўскія і польскія соймы, а таксама падзеі, звязаныя з Ілжэдзмітрыем II. Летапіс адлюстроўвае імкненне аўтара да адзінства ўкраінскага і беларускага народаў і супрацьстаяння сацыяльнаму і нацыянальнаму прыгнёту.