Замак у Мазыры.

Старажытны горад Мазыр узнік на высокім мысе паміж двумя аўрагамі на высокім беразе Прыпяці. Горад уваходзіў спачатку у склад Тураўскага княства, затым Кіеўскага. А з 14 стагоддзя ўвайшоў у склад Вялікага княства Літоўскага. Горад часта падвяргаўся нападам крымскіх татар. таму на Спаскай гары быў пабудаваны замак. Замак быў драўляны. І  будаўнічыя работы ў 1552 годзе ў інвентары апісаны, як замак, які вазвадзіўся “з дерава сасновага, тесанага пад шнур”. І “в четыре стены” былі зроблены вежы. У замку была брама “вежа воротная” з пад’ёмным мастом на двух ланцугах. Агульная працягласць замкавых умацаванняў складала 281 метар. Тут жа на замкавай гары была царква Святога Спаса і дом гараднічага, дзе таксама быў цэйхгаўз “схование замковое”. Былі пабудаваныя і іншыя гаспадарчыя пабудовы, якія былі неабходныя ў час абароны замка. У 1552 годзе ў замку было 5 бронзавых гарматаў на колах, 4 серпанціны, 60 “давних гаковниц” і іншая зброя. Былі ядра і  порах.  У 18 стагоддзі замак прыйшоў у заняпад. А ўжо ў верасні 2005 года адбылося урачыстае адкрыццё музейнага комплекса “Мазырскі замак”. Музей складаецца з ландшафтнай зоны з рэканструкцыяй гістарычнай забудовы. У трох вежах замка знаходзяцца экспазіцыя пад назвамі: “Збраёвая”, “Паляўнічая” і “Адміністрацыйная”. Па Замку праводзяць экскурсіі і ў тым ліку ладзяцца анімацыйныя экскурсіі. У святочныя дні Новага года і Каляд адбываецца тэатралізаваны паказ з удзелам Дзеда Мароза.