Віцебск. Дабравешчанская царква.

Дабравешчанская царква - гэта не толькі найстарэйшы віцебскі храм, але і адзін з самых старых будынкаў горада. Дакладны час будаўніцтва невядомы. Паводле гарадскога летапісу, храм быў узведзены ў год заснавання горада Віцебска (974 год) княгіняй Вольгай. Археолагамі ўстаноўлена, што царква была пабудавана ў перыяд з 1120 па 1130 гады.

Па паданні тут заручаўся князь Аляксандр Неўскі з князёўнай Аляксандрай.

За час свайго існавання на працягу амаль дзевяці стагоддзяў касцёл неаднаразова перабудоўваўся.

У час Паўночнай вайны царква была сур'ёзна пашкоджана і затым перабудавана ў стылі барока. Нейкі час яна належала ўніяцкай царкве.

У час Вялікай Айчыннай вайны царква была часткова разбурана і знаходзілася ў такім стане да 1961 года. У снежні 1961 года па загадзе ўладаў яна была ўзарвана. Мясцовыя жыхары ўчынілі пратэст і гэта зберагло царкву ад поўнага разбурэння.

Толькі ў 1977 годзе ацалелыя фрагменты падмурка і фрагменты мура храма былі закансерваваны. І толькі з 1993 года царкву пачалі аднаўляць і рэстаўраваць. Да 1998 году яе аднавілі, вярнуўшы першапачатковае аблічча 12 стагоддзі.

Сёння храм радуе нас сваім унутраным убраннем. Насценныя роспісы выкананы ў візантыйскім стылі, на скляпеннях храма роставыя выявы святых. Архітэктура храма вельмі строгая і лаканічная. Побач з царквой таксама размяшчаюцца невялікая царква Святога Аляксандра Неўскага, пабудаваная ў 1990-я гады і вельмі незвычайная званіца.

Прыгожы і ціхі храм з такім няпростым гістарычным лёсам знаходзіцца ў прыгожым маляўнічым месцы на беразе ракі. Гэта тая славутасць горада, якую абавязкова трэба наведаць, прыязджаючы ў Віцебск.