Трабы. Касцёл Нараджэння Дзевы Марыі.

Мястэчка Трабы вядома з пачатку 15 стагоддзя і, верагодна, атрымала назву ў гонар заснавальніка, літоўскага князя Трабуса. У XV ст. князь Трабус пабудаваў тут замак. У канцы XV ст. Трабамі стаў валодаць Альбрэхт Гаштольд-унук Марыі Трабскай, а ад Гаштольдаў маёнтак перайшоў да караля польскага і вялікага князя літоўскага Жыгімонта I Старога, а затым да яго сына Жыгімонта II Аўгуста – тут знаходзілася каралеўская рэзідэнцыя.

У Трабах ёсць некалькі цікавых славутасцяў, галоўныя з якіх – каталіцкі храм Нараджэння Дзевы Марыі і праваслаўная царква Св.Пятра і Паўла. Яны з'яўляюцца важнымі беларускімі культурна-гістарычнымі помнікамі. Каменны касцёл быў закладзены ў 1900 годзе на месцы ранейшага драўлянага, а завершана будаўніцтва ў 1905 годзе. Драўляная праваслаўная царква захавалася да нашага часу з 1794 года.

Касцёл Нараджэння Дзевы Марыі пабудаваны ў неагатычным стылі, з'яўляецца помнікам архітэктуры, і ўключаны ў Дзяржаўны спіс гісторыка-культурных каштоўнасцяў Рэспублікі Беларусь. Цікава, што Касцёл у Трабах асвяцілі толькі ў 1928 годзе, дакладная прычына такой адтэрміноўкі невядомая. На сённяшні дзень касцёл дзейнічае, тут рэгулярна праходзяць рэлігійныя святы, святыя Імшы і малебны. Храм таксама цікавы захаваліся ў ім абразамі XIX стагоддзя.