Смілавічы. Музей «Прастора Хаіма Суціна».

Музей "Прастора Хаіма Суціна" працуе на базе мясцовага Цэнтра творчасці дзяцей і моладзі па папярэднім запісе па тэлефоне.

Зімой 2023 года тут адбыліся святочныя мерапрыемствы, прысвечаныя 15-годдзю з дня адкрыцця музея і 130-годдзю з дня нараджэння Хаіма Суціна.

Хаім Суцін нарадзіўся ў 1893 годзе ў Смілавічах у шматдзетнай рэлігійнай сям'і яўрэйскага краўца. Бацькі не ўхвалялі захапленне сына жывапісам. Аднак, ён вельмі марыў стаць мастаком і ў 1913 годзе з'ехаў у Францыю ў Парыжскую школу "Вулей". Першы поспех прыйшоў да Суціна ўжо ў 1920 годзе і да самай смерці ён быў вельмі паспяховым мастаком. Ён пісаў карціны ў сваім унікальным мастацкім стылі, напаўняючы іх уласным бачаннем, без прыналежнасці да нейкага канкрэтнага напрамку. Асабліва шануюцца партрэты Суціна, яны заўсёды прыцягваюць пільную ўвагу і знаходзяцца ў лепшых калекцыях. Сёння ў Парыжы і іншых французскіх гарадах ёсць вуліцы і алеі Суціна, на адной з плошчаў Манпарнаса яму ўсталяваны помнік.

Самая дарагая карціна Суціна «Бычыная туша» была прададзеная ў 2015 годзе за $28 мільёнаў. быў прададзены за $482 600; нацюрморт «Белыя гладыёлусы ў вазе» - за $393 700; карціна «Двое дзяцей» - $317 500; пейзаж «Прагулка школьнікаў у Сіўры» - $177 800.

Сёння музей складаецца з трох залаў з экспазіцыямі:

1.Шлях да поспеху. Смілавічы-Мінск-Вільня.

Зала распавядае пра пачатак творчага шляху мастака, пра яго вучобу ў мастацкай школе Мінска і Вільні. Таксама тут можна ўбачыць захаваную ў выдатным стане Тору 19 стагоддзя, фотаапарат пачатку 20 стагоддзя, прадметы побыту стогадовай даўніны, рэпрадукцыі работ мастака.

2. Парыжскае кафэ: атмасфера парыжскіх вуліц – гэта зала, стылізаваная пад тыповую парыжскую кавярню з рэпрадукцыямі мастакоў Парыжскай школы.

3.Шрага Царфін. Спадчына.

Гэта зала была адкрыта дзякуючы дачцэ мастака Шрагі Царфіна. Яна перадала музею не толькі карціны, а таксама асабістыя рэчы свайго бацькі: эцюднік, палітру.

Прыехаўшы сюды на экскурсію, можна з галавой пагрузіцца ў атмасферу Парыжа 20 стагоддзі, пазнаёміцца з цікавымі працамі мастакоў.

Таксама неймаверна цікава даведацца пра гісторыю жыццёвага шляху такога арыгінальнага мастака як Хаім Суцін, чыё імя атрымала сусветную вядомасць, бо гэта чалавек таленавіты і неадназначны, які ўпарта ішоў за сваёй марай.

Раю да наведвання ўсім знатакам мастацтва і проста людзям, неабыякавым да творчасці і майстэрству!