Музей прыроды і экалогіі Рэспублікі Беларусь

У Беларусі, краіне з багатай разнастайнасцю жывёльнага і расліннага свету, можна пазнаёміцца з дзіўнай прыродай у Музеі прыроды і экалогіі. Гэты музей - адзін з нямногіх у Беларусі, прысвечаны вывучэнню прыроды.

Музей быў заснаваны ў 1983 г. як аддзел прыроды Дзяржаўнага Музея БССР. З 1992 года ён стаў асобным музеем, а з 2014 года - філіялам Нацыянальнага гістарычнага музея. У музеі захоўваецца больш за 42 тысячы экспанатаў, і яго штогод наведвае больш за 100 тысяч чалавек.

Музей прадстаўляе шэсць экспазіцыйных залаў, кожная з якіх прысвечана пэўнай тэме, якая расказвае аб прыродзе Беларусі. У адной з залаў, "Джунглі за шклом", можна ўбачыць экзатычных яшчарак, змей і павукоў. Першая зала прысвечана сезонным зменам у прыродзе і жывёльным свеце.

Напрыклад, можна даведацца пра зімовыя віды птушак, якія прылятаюць у Беларусь з тундры і лесатундры, а таксама пра аселыя віды птушак, якія тут застаюцца круглы год.

У нашай краіне выразна вылучаюцца чатыры пары года: зіма, вясна, лета і восень. Кожны сезон прыносіць свае кліматычныя асаблівасці, да якіх падладжваюцца жывёлы. Экспазіцыя "Сезонныя змены ў жывёльным свеце" падзелена на чатыры часткі, дэманструючы, як лясныя насельнікі жывуць на працягу кожнага сезона.

Экспазіцыя "Водныя і каляводныя расліны і жывёлы" апускае ў свет беларускіх вадаёмаў. Яна расказвае пра разнастайнасць жыцця, якое пануе ў рэках, азёрах і балотах: рыбы, птушкі, рэптыліі, насякомыя, звяры – усе яны знайшлі тут свой дом. Яркія дыярамы дэманструюць жыццё насельнікаў азёрных глыбінь, у тым ліку баброў.

Лясы Беларусі - гэта нацыянальнае багацце, якое займае больш за трэць тэрыторыі краіны. Багацце лясных экасістэм дзівіць сваёй разнастайнасцю, таму ім прысвечаны адразу дзве залы музея. Тут можна ўбачыць глушцоў і цецерукоў падчас шлюбных гульняў, пачуць іх песні, а таксама пазнаёміцца са разнастайнасцю лясных птушак і млекакормячых.

Зала "Рэдкія віды флоры і фауны. Ахоўныя тэрыторыі" прысвечана відам, якія знаходзяцца пад пагрозай знікнення і занесеным у Чырвоную кнігу Беларусі. Тут прадстаўлены пудзілы рэдкіх птушак, такіх як сізаваронка, залацістая шчурка, звычайны зімародак, а таксама зубра. Падчас экскурсіі можна даведацца пра гісторыю аднаўлення папуляцыі гэтага волата. Нажаль, некаторыя жывёлы, прадстаўленыя ў музеі, ужо зніклі з дзікай прыроды, і ўбачыць іх можна толькі ў музеі прыроды.

Наведванне музея - гэта не проста прагляд экспазіцый, гэта сустрэча з душой прыроды. Тут кожны знойдзе нешта сваё: нехта даведаецца пра новыя факты, нехта захапіцца прыгажосцю навакольнага свету, а нехта проста адпачне душой ад гарадской мітусні.