Мінск. Тэатр Максіма Горкага.

      У горадзе Мінску па вуліцы Валадарскага знаходзіцца будынак Нацыянальнага акадэмічнага драматычнага тэатра імя Максіма Горкага, або Рускі тэатр.

           Гэты будынак узведзены ў часы Расійскай імперыі ў 1906 годзе ў маўрытанскім стылі, і тут размяшчалася галоўная харальная сінагога Мінска. Храм быў трохнефная базіліка, і сродкі на будаўніцтва сабрала яўрэйская абшчына горада.

         Пасля рэвалюцыі будынак быў нацыяналізаваны. З 1923 года былую сінагогу перадалі Дзяржаўнаму яўрэйскаму тэатру Савецкай Беларусі. Тут праходзілі пастаноўкі спектакляў, праходзілі грамадскія мерапрыемствы і акцыі, адбываліся з'езды, чыталіся лекцыі і паказваліся фільмы.

       Крыху пазней у будынку працаваў Дом культуры Сакратарыята ЦВК імя Міхаіла Фрунзе. З восені 1926 года перадалі для «Белдзяржкіно». Потым працаваў кінатэатр "Культура". У гэтай зале была вельмі добрая акустыка, і падчас гастроляў тут выступалі многія вядомыя паэты і спевакі, у тым ліку Леанід Уцёсаў і Уладзімір Маякоўскі.

        Пасля Вялікай Айчыннай вайны будынак быў перабудаваны ў 1948-1950-х гадах. І тут пачаў працаваць Рускі тэатр.

       Ад былога дэкору на галоўным фасадзе нічога не засталося. Каб убачыць старажытны дэкор сінагогі маўрытанскага стылю, вам трэба падысці справа да бакавой сцяны, дзе нядаўна адкрылі фрагмент старой сцяны.