Масты. Чыгуначная станцыя

У раёным горадзе Масты Гродзенскай вобласці ёсць чыгуначны вакзал пачатку 20 стагоддзя. У часы Расійскай імперыі ў 1886 годзе на месцы лесапільнага завода была пабудавана чыгуначная станцыя. Мураваны вакзал быў урачыста адчынены ў 1904 годзе.

Будынак вакзала мураваны, ўзведзены ў стылі мадэрн. У плане будынак мае форму чатырохвугольніка. Па перыметру зроблены вялікія паўцыркулярныя вокны. Быў пашкоджаны ў часы Вялікай Айчыннай вайны. Помнік быў адноўлены.

У перыяд 1893 – 1907 гадоў на чыгуначнай станцыі працавала вытворчасць па вырабу шпал. У горадзе Баранавічы ў музеі гісторыі Баранавіцкага аддзелу Беларускай чыгуначнай дарогі ёсць тэлеграма за 1907 год у адрас начальніка ўпраўлення па будаўніцтву чыгункі, дзе паведамляецца: «Сегодня 1 января линия Полоцк – Волковыск и ветви Мосты – Гродно переданы в управление Николаевской дороги и по ним открыто правильное движение. Тимофеев».

 Cпачатку Мікалаеўская чыгунка называлася Піцербург – Маскоўская, якая была адчынена ў 1851 годзе. З 1855 года пачала называцца Мікалаеўскай. На сённяшні дзень праз чыгуначную станцыю Масты праходзе 29 рэгулярных цягнікоў.

Побач з вакзалам знаходзіцца рамонтнае дэпо пачатку20 стагоддзя. Будынак мураваны, двухпавярховы з жоўтай цэглы.