Малыя Сцяпанішкі. Сядзіба.

У прыгарадзе раённага цэнтра Масты ёсць мястэчка Малыя Сцяпанішкі з сядзібай. Упершыню мястэчка згадваецца ў гістарычных крыніцах у 1557 годзе ў часы Вялікага Княства Літоўскага. Пазней згадваюцца ў дакументах Стэфанішкі Малыя і Вялікія.

З утварэннем Гродзенскай эканоміі яны былі часткай Мастоўскага ключа, а ключом у тыя часы называлі частку вялікіх зямельных уладанняў.

Пасля падзелаў Рэчы Паспалітай імператрыца Кацярына ІІ маёнтак Вялікія Стэфанішкі падарыў Калежскім саветнікам Літке і Волкаву. 

У 1856 годзе Малыя Стэфанішкі лічыліся часткай маёнтка П.Вяленіна. А ў 1890 годзе сядзіба Малыя Стэфанішкі належалі Аляксандру Фаворскаму з зямлёй 211 дзесяцін. Уласнікам тут часткі зямлі ў 62 дзесяціны быў Здзіслаў Калантай.

Пасля Рыжскага міру 1921 года мястэчка ў складзе Польшчы да 1939 года.

Невялікая сядзіба з паркам знаходзіцца каля дарогі Масты-Шчучын. Панскі палац быў пабудаваны ў часы Польскай дзяржавы ў 1920-я гады ў закапанскім стылі. Галоўны фасад выкананы ў стылі неабарока з фігурным франтонам. Побач з домам знаходзіцца гаспадарчая пабудова і сад з паркам.

Зараз у будынку знаходзіцца аграсядзіба.

На мясцовых могілках пабудавана драўляная праваслаўная царква святога Іллі пачатку 20-га стагоддзя.