Мінск. Музей сучаснай беларускай дзяржаўнасці.

    У горадзе Мінску на вуліцы К. Маркса, 38 працуе зусім новы музей - Музей сучаснай беларускай дзяржаўнасці. Будынак, у якім размяшчаецца музей, таксама незвычайнае. Гэты дом у часы савецкай Беларусі быў самым галоўным адміністрацыйным будынкам у БССР. У будынку працавала кіраўніцтва Цэнтральнага Камітэта Камуністычнай партыі Савецкай Беларусі. Дом будаваўся ў некалькі этапаў з 1939 года па 1986 год. Спачатку быў узведзены асноўны корпус, а потым дабудавана два крылы.

          Цяпер у корпусе, які выходзіць на вуліцу К. Маркса, працуе Адміністрацыя Прэзідэнта Рэспублікі Беларусь. А ў корпусе, які знаходзіцца на вуліцы Кірава - размяшчаецца Музей сучаснай беларускай дзяржаўнасці.

       Музей новы, быў адкрыты ў 2012 годзе. Музей уваходзіць у склад Нацыянальнага гістарычнага музея. Экспазіцыя музея распавядае пра сучасны перыяд гісторыі незалежнай Рэспублікі Беларусь, пачынаючы з 1990 года. Тут распавядаецца пра палітычнае, эканамічнае, культурнае і навуковае жыццё краіны. На сённяшні дзень у музеі налічваецца 4 тысячы адзінак экспанатаў, а 800 прадстаўлены ў экспазіцыі.

       Размяшчаецца экспазіцыя ў 6 залах, дзе распавядаецца пра сучасныя дасягненні нашай краіны. Прадстаўлены макеты помнікаў архітэктуры, якія былі рэстаўраваны ў апошнія гады, дакументы і відэаматэрыялы перыяду станаўлення сучаснай беларускай дзяржаўнасці.