Мінск. Дом пісьменнікаў.

      У горадзе Мінску на вуліцы К. Маркса ў цэнтры горада пабудаваны так званы «Дом пісьменнікаў». Будынак знаходзіцца насупраць тэатра Янкі Купалы, і ў часы Расійскай імперыі тут быў дом Юхновіча. Старажытны будынак быў знішчаны ў часы Вялікай Айчыннай вайны.

       Пасля вайны ў Мінску ў гістарычным цэнтры разгарнулася вялікае будаўніцтва, і на гэтым месцы пачалося будаўніцтва новага сучаснага жылога будынка, які ўзводзілі спецыяльна для беларускіх пісьменнікаў. Дом будавалі па ініцыятыве класіка беларускай літаратуры Янкі Маўра.

       Будаўніцтва пачалося ў 1951 годзе, а ўвялі ў строй будынак восенню 1953 года. Архітэктар Аркадзь Брэгман. Дом узведзены ў стылі неакласіцызм, або народная назва стылю «сталінскі ампір».

        Будынак мае гісторыка – культурную каштоўнасць. Кватэры былі размеркаваны для Саюза пісьменнікаў Савецкай Беларусі, а на першым паверсе працавала крама «Палітычная кніга». Будынак мае 3 пад'езда. Адзін узведзены за сродкі мінскага гарадскога савета, а два – за сродкі Літаратурнага фонда.

        У гэтым «літаратурным» доме жылі многія вядомыя беларускія пісьменнікі: Янка Маўр, Уладзімір Караткевіч, Максім Лужанін, Ніл Гілевіч, Вячаслаў Рагойша, Васіль Вітка, Іван Навуменка, Пятро Глебка і многія іншыя. На доме ўсталявана некалькі памятных шыльд.