Мінск. Музей старажытнабеларускай культуры.

Экспазіцыя музея падзелена на тры тэматычныя залы: археалогія, сакральнае мастацтва і этнаграфія.

У зале археалогіі прадстаўлены артэфакты, выяўленыя пры раскопках старажытных паселішчаў, якія адлюстроўваюць найважнейшыя археалагічныя культуры, якія існавалі на тэрыторыі Беларусі. Прадметы працы, побыту і ўпрыгажэнні дэманструюць сувязі з кельцкай, скіфскай, прыбалтыйскай і скандынаўскай культурамі.

Другая зала прысвечана сакральнаму мастацтву і ўключае ў сябе абразы, званы, скульптуры і дэкаратыўную разьбу з цэркваў і касцёлаў. Тут захоўваецца найбуйнейшы ў Беларусі збор абразоў XVI-XIX стагоддзяў, які адлюстроўвае асаблівасці фарміравання беларускай школы іканапісу. Таксама ў зале прадстаўлена калекцыя скульптуры, якая ўключае ў сябе ўзоры фігурнай пластыкі, мастацкай разьбы і надмагілляў, якія раней знаходзіліся ў храмах розных канфесій.

Трэцяя зала знаёміць з народнай творчасцю і этнаграфіяй Беларусі. Тут можна ўбачыць традыцыйныя касцюмы, ручнікі, пакрывалы, абрусы, паясы, размаляваныя дываны, Музычныя інструменты, цацкі і прадметы побыту з дрэва і керамікі. Асаблівую каштоўнасць уяўляе калекцыя "Помнікі этнаграфіі і народнага мастацтва Чарнобыльскай зоны", сабраная ў адселеных пасля аварыі на ЧАЭС вёсках.

Каб трапіць на экскурсію варта загадзя патэлефанаваць па нумары + 375 17 284-18-82.