Мінск. Музей грошай Groshi.

У музеі прадстаўлены калекцыі манет, банкнот і іншых грашовых знакаў з розных краін і часовых перыядаў. Наведвальнікі могуць убачыць як старажытныя, так і сучасныя грошы, а таксама даведацца аб іх значэнні і гісторыі. Акрамя манет і банкнот у калекцыі музея прадстаўлены купоны, аблігацыі і г. д.

Цікава, што ў экспазіцыі прадстаўлены толькі арыгінальныя прадметы!

Тут паэтапна можна прасачыць з'яўленне першых грашовых сродкаў больш за 1 500 гадоў таму ў перыяд Рымскай імперыі; станаўленне фінансавай сістэмы ў перыяд ВкЛ і яе ўдасканаленне з цягам часу. Ёсць магчымасць падрабязна даведацца пра з'яўленне першых папяровых грошай на тэрыторыі Беларусі, а таксама пра стварэнне і развіццё фінансавай сістэмы незалежнай Рэспублікі Беларусь.

У музеі прадстаўлены манеты Рымскай імперыі, Арабскага халіфата, сярэднявечнай Еўропы, Вялікага Княства Літоўскага, Рэчы Паспалітай, Расійскай імперыі, Рэспублікі Польшча міжваеннага перыяду, нямецкія акупацыйныя манеты, а таксама Савецкага Саюза і Рэспублікі Беларусь.

Асобная экспазіцыя адведзена экспазіцыі адведзена калекцыі памятных манет Нацыянальнага Банка РБ.

Музей прапануе інтэрактыўныя экспазіцыі, дзе наведвальнікі могуць не толькі назіраць, але і ўдзельнічаць у розных гульнях і віктарынах, звязаных з фінансамі і эканомікай. Сэнсарныя экраны, устаноўленыя ў музеі, дапамагаюць атрымліваць больш падрабязную інфармацыю аб раздзелах экспазіцыі і асобных экспанатах.

Музей Groshi праводзіць лекцыі і майстар-класы для школьнікаў і студэнтаў, па гісторыі грошай.

У музеі можна набыць папяровыя грошы, а таксама памятныя сувеніры, звязаныя з тэмай грошай - магніты, манетніцы, манеткі на шчасце.

Музей грошай Groshi знаходзіцца ў цэнтры Мінска, што робіць яго даступным для турыстаў і мясцовых жыхароў. Гэта не толькі цікавае месца для наведвання, але і важны пазнавальны рэсурс. Ён прыцягвае як дзяцей, так і дарослых, прапаноўваючы унікальны погляд на свет грошай.