Міхневічы. Пакроўская царква

У мястэчку Міхневічы Смаргонскага раёна, па шляху са Смаргоні на сядзібу Агінскага ў Залессі, знаходзіцца каменная праваслаўная царква. Храм асвяцілі ў гонар Пакрова Прасвятой Багародзіцы.

Помнік узведзены на ўскраіне мястэчка на мясцовых могілках у часы Расійскай імперыі ў 1866 годзе. Пры храме існавалі дзве царкоўна-прыходскія царквы.

Храм узведзены ў рэтраспектыўна-рускім стылі з бутавага каменя, і створаны па тыпавым праекце. Складаецца з чатырох асноўных архітэктурных частак: бабінец, трапезная, малітоўная зала і апсіда. Над бабінцам надбудавана вежа-званіца васьмярык на чацверыку. Асноўны аб'ём накрыты чатырохсхільным дахам, на вяршыні якога шматгранны барабан і купал–цыбуліна. Да асноўнага аб'ёму прыбудавана паўкруглая апсіда. Вакол храма ўзведзена каменная агароджа. Царква ў апошнія гады адрамантаваная. Храм дзейнічае.

На могілках каля царквы знаходзіцца магіла ўдзельніка Першай сусветнай вайны палкоўніка 14-га грузінскага грэнадзёрскага палка Акакія Гаўрылавіча Атхмезуры. Палкоўнік загінуў падчас атакі ворагаў на пазіцыі свайго палка.

На могілках ёсць старадаўнія пахаванні.