Ідолта. Капліца-пахавальня роду Мілашоў.

У мястэчку Ідолта ёсць каталіцкі касцёл пры ў'ездзе з трасы Міёры – Друя і ёсць каталіцкая капліца – пахавальня мясцовых паноў Мілашэй.

Капліцу знайсці ня проста. Вам трэба з трасы праехаць у само мястэчка. Даехаць да палаца мураванага, які будзе з лева ад дарогі, а вам варта павярнуць на права і ехаць праз гаспадарчыя будынкі і прыватныя дамы на паўвостраў, які знаходзіцца каля вялікага возера. Вось на беразе возера на самым пагорку і пабачыце капліцу сярод высокіх дрэваў.

«Стары касцёл», як завуць капліцу тутэйшыя людзі, пабудаваў Яўген Мілаш у 1862 годзе каля сядзібы Мілашаў. Тут была пахавана яго жонка Эмілія, а пазней тут знайшоў свой спачын і сам Яўген Мілаш і яго нашчадкі. У капліцы адбываліся набажэнствы і праводзіла імша для ўсяго наваколля і сюды прыходзілі каталіцкія вернікі з усёй Ідолты.

У савецкія часы капліцу зачынілі і храм быў разрабаваны. Труны з нябожчыкамі былі выкінуты з будынка. Паводле ўспамінаў мясцовых жыхароў, тыя актывісты – камсамольцы, якія разламывалі труны – вельмі дрэнна потым скончылі сваё жыццё. Пазней у будынку быў зроблены склад для патрэбаў мясцовага калгаса.

Капліца – мураваны будынак у стылі класіцызму. Галоўны фасад  аздоблены трохкутным франтонам і упрыгожаны 4 пілястрамі. Над уваходам надбудавана невялікая вежачка.