Гудзевічы. Літаратурна – краязнаўчы музей

У мястэчку Гудзевічы Мастоўскага раёна знаходзіцца мураваная праваслаўная царква і краязнаўчы музей. Літаратурна – краязнаўчы музей у цэнтры мястэчка ўнікальны і непаўторны. Гэты вясковы музей мае мноства экспанатаў, якім бы пазайздросцілі і гарадскія музеі. Створаны музей дзякуючы намаганням і самаадданай працы настаўніка беларускай мовы і літаратуры Алеся Белакоза.

Музей створаны на базе школьнага краязнаўчага музея. Адчыніў свае дзверы музей у 1968 годзе. Вучні А. Белакоза і сам настаўнік пачалі збіраць этнаграфічныя матэрыялы у сваёй вёсцы і ў ваколіцах. Пачалі пісаць лісты вядомым беларускім мастакам і пісьменнікам, паэтам і гісторыкам з просьбай даслаць для экспазіцыі, які свой твор, ці рукапіс з аўтографам, ці проста напісаць ліст з добрымі словамі.

 І атрымалася назбіраць мноства ўнікальных экспанатаў, напрыклад у экспазіцыі ёсць ручка, якой пісаў класік беларускай літаратуры Уладзімір Караткевіч. Спачатку музей працаваў у адным зале. З адкрыццём у 1981 годзе новай школы пад музей перадалі будынак старой школы. Ужо тут пачало працаваць 4 зала з 1984 года. У 1980 года да музея перавезлі драўляную вясковую хату 18 стагоддзя. Потым каля хаты паставілі і старадаўні будынак свіран. З цягам часу пры музеі была створана зала пад назвай «Народная медыцына», дзе ў час экскурсій А. Белакоз ня толькі распавядаў пра лекавыя расліны мясцовасці, але і ўсім жадаючым турыстам раздаваў крэмень, для вырабу гаючай крэмневай вады. На сённяшні дзень музей мае 11 залаў і мноства ўнікальных экспанатаў.