Гродна. Дом Тарасевіча (вуліца Карла Маркса, 12).

            У горадзе Гродна на вуліцы Карла Маркса (дом нумар 12) знаходзіцца помнік архітэктуры 19-га стагоддзя, які вядомы як дом Тарасевіча. Гэтая вуліца сфармавалася яшчэ ў часы Вялікага Княства Літоўскага і называлася Азёрская. Тут будаваліся значныя культавыя будынкі і палацы магнатаў і шляхты. Былі дамы і майстэрні купцоў і рамеснікаў. Падчас Расійскай імперыі вуліца называлася Купецкая.

           Дом пабудаваны ў 1890 годзе ў стылі эклектыкі. Па іншых звестках пабудаваны ў 1900-м годзе. Будынак мураваны, двухпавярховы, зроблены з цэглы і атынкаваны. Мае статус гісторыка-культурнай каштоўнасці. Захавалася на парадным фасадзе частка дэкору. Значная частка дэкору была страчана ў часы капітальнага рамонту. Ёсць два балкона. Крыты двухсхільны дах. У будынку працавала ў 1915 годзе аптэка Вайса.

              Пасля падпісання Рыжскага міру ў 1921 годзе горад Гродна ўвайшоў у склад Польскай дзяржавы да 1939 года, пакуль не прыйшла савецкая ўлада. У гэтыя гады ў 1926 годзе працуе цырульня "Фелікс". Таксама тут размяшчаецца ў 1928 годзе піўная Іудзесы Чарняхоўскай. Ёй у гэтым жа доме належала крама па продажы цукерак.

           Цяпер у будынку працуе крама "Мілавіца", дзе прадаецца жаночая бялізна.