Дзярэчын. Каталіцкі касцёл

Мястэчка Дзярэчын вядома з 15-га стагоддзя. Доўгі час тут была адна з рэзідэнцый магнатаў Сапегаў. У пачатку 17 стагоддзя пісар Слонімскі Палубінскі заснаваў у Дзярэчыне касцёл і кляштар дамініканцаў. Пры касцёле працаваў шпіталь і школа.

Каменны касцёл Унебаўзяцця Найсвяцейшай Панны Марыі быў пабудаваны ў 1913 годзе і асвечаны ў кастрычніку таго ж года ксяндзом Браніславам Сароскам. З 1928 года пры парафіі працавалі сёстры Святой сям'і Марыі. Пасля вайны ў 1950–х гадах касцёл быў зачынены камуністычнай уладай. У будынку адкрылі краму. Пасля развалу СССР храм перадалі вернікам і была праведзена рэстаўрацыя. У 1993 годзе Гродзенскі біскуп Аляксандр Кашкевіч асвяціў Каталіцкі Касцёл. Некалькі гадоў таму быў праведзены новы рамонт на даху і ў інтэр'еры.

Касцёл пабудаваны ў стылі неаготыкі. Згодна з інвентарным дакументам 1922 года былі такія дадзеныя: памеры касцёла ў даўжыню 16 сажняў, шырыня 7, вышыня 5. столь драўляны. Унутры будынак атынкаваны. Вокнаў у галоўнай вежы шэсць, у прэзбітэрыі тры і ўсё з каляровага шкла. На хорах на месцы органа знаходзіцца фісгармонь. У вежы-званіцы маецца звон вагой 60 пудоў.

У касцёле тры алтары: галоўны і бакавыя. У галоўным алтары знаходзіцца вялікі абраз Маці Божай Вастрабрамскай, а па баках абраза ў пазалочанай раме Сэрца Ісуса, абраз Маці Божай Чэнстахоўская і два абразы Маці Божай і Святога Язэпа.

Будынак пабудаваны на цокалі з каменя. Касцёл абнесены каменнай агароджай.