Барысаў. «Барысаўскі аб'яднаны музей».

У горадзе Барысаве пры наведванні батарэй 1812 года варта зайсці і ў краязнаўчы музей, які знаходзіцца зусім побач. Ад батарэй прайсці некалькі сот метраў.

Музей быў адчынены ў 1950 годзе і на сённяшні дзень налічвае 60 тысяч экспанатаў. Экспазіцыя складаецца з шасці залаў, у якіх можна даведацца пра тысячагадовую гісторыю горада Барысава, пачынаючы ад самага яго заснавання. Асноўнай тэмай музея з'яўляецца тэма вайны 1812 года. Пачатак экспазіцыі ў зале «Старадаўнія пасяленні ў краі. Заснаванне горада Барысава». Тут прадстаўлены археалагічныя знаходкі і распавядаецца пра заснаванне горада на левым беразе ракі Бярэзіна. Прадстаўлены макет замка ў Барысаве 14 стагоддзя.

Асноўную частку экспазіцыі займае тэма вайны 1812 года ў раздзеле «Гісторыя вайны 1812 года на Барысаўшчыне. Бярэзінская пераправа». Да 200 – годдзя падзей у 2012 годзе экспазіцыя была значна адноўлена і мадэрнізавана. Тут прадстаўлены адрэстаўраваныя мундзіры і галаўныя ўборы, зброя і партрэты палкаводцаў.

Два зала у музеі прысвечана тэме Вялікай Айчыннай вайне ў раздзеле «Акупацыйны рэжым на Барысаўшчыне».

У музеі маецца калекцыя нумізматыкі, фатаздымкаў, дакументаў і керамікі. Праводзяцца выставы. Музей штогод наведвае каля 80 тысяч турыстаў і гасцей.