Бездзеж. Царква Святой Троіцы.

У Драгічынскім раёне ў мястэчку Бездзеж ёсць некалькі цікавых помнікаў архітэктуры і музей. Упершыню ўпамінаецца ў 15 стагоддзі. У цэнтры мястэчка знаходзіцца старажытная Траецкая царква.

 Драўляны храм належыў ўніяцкім вернікам і быў узведзены ў 1784 годзе на тым месцы, дзе ў 17 стагоддзі была пабудавана першая ўніяцкая царква. Пасля падзелаў Рэчы Паспалітай мястэчка перайшло ў склад Расійскай імперыі. У 1839 годзе ўнія была збаронена ў Расіі і царква ў 1865 годзе перайшла да праваслаўных і па загаду гродзенскага генерал – губернатара будынак перабудавалі пад праваслаўны храм за адну тысячу рублёў, якія вылучала казна. Праект перабудовы распрацаваў архітэктар Мсціслаў Барташэўскі.

 Каля царквы ў 18 стагоддзі перад галоўным фасадам пабудавана драўляная брама – званіца. Брама мае арачны праём. У званіцы ёсць каштоўны звон, які адліты ў 1776 годзе.

Царква ўзведзена ў традыцыях народнага драўлянага дойлідства з элементамі барока. Будынак складаецца з двух зрубаў і трох асноўных частак: прытвор, малітоўная зала і апсіда. Над прытворам пабудавана дзве чацверыковыя вежы, якія завершаны баракальнымі купаламі з невялікімі цыбулінамі. Зруб асноўнага аб'ёма і апсіды маюць аднолькавую вышыню і накрыты агульным дахам. Уваход аформлены ў выглядзе ганка і казырка на драўляных слупах.

 У інтэр'еры ёсць абразы і іканастас з царскай брамай 1872 года. Сярод абразоў маюцца каштоўныя творы 17 – 18 стагоддзяў.

 Некалькі год таму брама была перабудавана і пазалочаны купала на царкве. Храм мае статус помніка архітэктуры рэспубліканскага значэння