Вялікая Слабада. Васкрасенская царква.

У Карэліцкім раёне ў мястэчку Вялікая Слабада знаходзяцца руіны мураванай Васкрасенскай царквы. Мястэчка знходзіцца па шляху з Карэліч на Мірскі замак з левага боку ад трасы пару кіламетраў.

Першы праваслаўны храм у мястэчку быў пабудаваны ў 1863 годзе на мясцовых могілках. Напрыканцы 19 стагоддзя пачалося будаўніцтва новай мураванай царквы з цэглы і бутавага камяня. Першая сусветная вайна не дазволіла царкву дабудаваць. У 1915 годзе, калі тут недалёка праходзіў фпронт і адбываліся вайсковыя дзеянні нямецкі снарад патрапіў у будынак і абваліўся дах. У савецкія часы пасля Вялікай Айчыннай вайны мясцовыя жыхары частку царквы разабралі сабе на будаўнічыя матэрыялы.

У 2003 годзе побач была пабудавана новая драўляная царква з рысамі народнага драўлянага дойлідства. Складаецца будынак з трох асноўных частак: прытвор, малітоўная зала і апсіда.