Карэлічы. Раённы краязнаўчы музей

У самым цэнтры раённага цэнтра Карэлічы на вуліцы Савецкай знаходзіцца раённы краязнаўчы музей. У 1969 годзе было прынята рашэнне аб стварэнні музея, які спачатку называўся раённы Музей народнай славы.

Экспазіцыя была адкрыта ў 1974 годзе і музей пачаў працу ў 30-ю гадавіну вызвалення Беларусі ад гітлераўскіх захопнікаў. На сённяшні дзень асноўны фонд музея налічвае каля васьмі тысяч адзінак захоўвання. Плошча экспазіцыі складае каля 160 метраў квадратных. Асноўныя калекцыі музея гэта нумізматыка, фатаграфіі, помнікі пісьменства. Рэчавыя помнікі і помнікі мастацтва.

У музеі захоўваюцца шматлікія ўнікальныя экспанаты, напрыклад, манетны скарб салідаў Яна Казіміра 93 манеты, Улётка Камуністычнай партыі Заходняй Беларусі 1934 года, ордэн Леніна, які раней належаў П.Жалезняковічу, манета часоў караля Станіслава Аўгуста Панятоўскага, адзенне ўдзельнікаў Вялікай Айчыннай вайны і многае іншае.

Экспазіцыя ў музеі знаходзіцца ў сямі залах і складаецца з наступных раздзелаў:

• край ад першабытных часоў да 18-га стагоддзя;
• гаспадарчыя каляндарныя абрады беларусаў;
• Сельская гаспадарка краю ў 20 стагоддзі;
• Нашы славутыя землякі;
• Вялікая Айчыннай вайна на тэрыторыі раёна;
• прырода краю.

Экспануюцца шматлікія знаходкі з археалагічных раскопак, распавядаецца пра выдатных дзеячаў, якія нарадзіліся, або жылі ў Карэліцкім раёне. Гэта вядомыя гісторыкі і пісьменнікі, грамадскія дзеячы: Ян Чачот, Ігнат Дамейка, Янка Брыль, Вольга Іпатава і многія іншыя.