Свіслач. Дом Яцко.

Дом Яцко быў пабудаваны дзецьмі селяніна Васіля Яцко ў знак павагі і падзякі свайму бацьку. Ён быў узведзены з цэглы, прывезенай з бабруйскага завода «Розенберга». Пабудова мела ў сабе рысы стылю мадэрн. Яна прыцягвала да сябе ўвагу незвычайна майстэрскім афармленнем аконных праёмаў, а таксама прыгожым балконам, які быў упадабаным месцам адпачынку сям'і Яцко.

Аднак, карыстацца бацьку гэтым домам прыйшлося нядоўга...

Пасля яго смерці тут жыў свяшчэннік. Падчас Першай сусветнай вайны дом быў нязначна пашкоджаны, але пазней яго прывялі ў парадак. У 1927 годзе тут быў ваенкамат, а пазней - аддзел унутраных спраў. Таксама дом выкарыстоўваўся мясцовым ваенным гарнізонам у сваіх асабістых мэтах.

У гады Вялікай Айчынна вайны дом занялі нямецкія акупанты пад ваенную камендатуру. Пасля заканчэння вайны тут была арганізавана вясковая крама. Да гэтага часу тут ён і працягвае знаходзіцца: першы паверх будынка адведзены пад краму.

Дом Яцко - вельмі цікавы помнік архітэктуры мінулага. У найпрыгожым месцы ў незвычайны аб'ект увасобіліся арыгінальнасць архітэктурнай думкі і майстэрства будаўнікоў таго часу. На галоўным фасадзе будынка можна ўбачыць выяву сімвала іудзейскай веры Мезуза.

У сакавіку 2024 года будынак быў выстаўлены на продаж.