Старая Вадва. Пакроўская царква

Дакладнай версіі аб часе пабудовы Пакроўскай царквы ў Старай Вадве не існуе. Адны даследчыкі лічаць, што яна пабудавана ў 18 стагоддзі, а іншыя, што ў 19- м стагоддзі і што фундатарам храма з'яўляецца ўладальнік мясцовага маёнтка Мікалай Ракуза. Паводле падання, пан Ракуза задумаў пабудаваць царкву ў іншай вёсцы, але коні, якія перавозілі цэглу спыніліся на адным з узгоркаў, дзе затым і пабудавалі Пакроўскую царкву. Некаторыя даследчыкі лічаць, што прыкладам для будаўніцтва праваслаўнай царквы паслужыў кафедральны Сабор Святога Іосіфа ў губернскім горадзе Магілёве. Пры храме існавала царкоўна – прыхадская школа. У савецкія часы храм зачынілі і зрабілі тут клуб. Царква пабудавана ў стылі класіцызму, а дамінантай з'яўляецца васмігранны барабан з паўсферычным купалам. Галоўны ўваход аздабляе чатырохкалонны порцік. Інтрэр'ер распісаны  фрэскамі. Вакол храма знаходзяцца мясцовыя могілкі. І ў тым ліку тут пахаваны сам пан М.Ракуза.