Радунь. Касцёл Маці Божай Ружанцовай

Мястэчка Радунь упершыню ўпамінаецца ў гістарычных крыніцах у 14 стагоддзі. Каталацкі прыход быў заснаваны ў 16 стагоддзі і быў пабудаваны драўляны касцёл. Пасля Рыжскай дамовы 1921 года Радунь перайшла да Польшчы. У 1929 – 1933 гадах будуецца новы мураваны касцёл на месцы старога драўлянага.

Касцёл узведзены па праекту інжынера – будаўніка Антонія Бейка і архітэктара Яна Бароўскага. Касцёл уяўляе з сябе трохнефную базіліку. Даўжыня храма 58 метраў, вышыня 48, а шырыня 35 метраў. Галоўны фасад фланкіруюць дзве вежы. Касцёл мае развіты трансепт і пяцігранную апсіду. У прасторавай кампазіцыі дамінууюць шматярусныя вежы – званіцы. Паміж вежамі трохкутны франтон пад якім размешчана гатычнае акно–ружа ў выглядзе каляровага вітража.

Над уваходам знаходзяцца хоры з парапетам. Аркі ў інтэр'еры маюць арнаметальную расфарбоўку. Маецца некалькі алтароў выкананых у тэхніцы стука. Памяшканне асвятляецца з выкарыстаннем жырандоляў і бра, якія створаны ў 1930 – х гадах з мастацкага шкла ў Гродна. У касцёле ёсць некалькі старажытных абразоў 18 – 19 стагоддзяў

Касцёл мураваны, узведзены з цэглы і бутавага камяня ў стылі эклектыкі. Тут спалучаецца некалькі архітэктурных стыляў у тым ліку готыкі, мадэрну і барока. Знешняе аздабленне грунтуецца на спалучэнні атынкаваных і мураваных частак касцёла.

Перад касцёлам мураваная ўваходная брама.