Радунь. Iешыва.

Пасля далучэння нашых зямель да Расійскай імперыі было забаронена яўрэям сяліцца ў вясковай мясцовасці і мець ва ўласнасці зямлю. І беларускія габрэі масава пачалі прадаваць сваю ўласнасць у вёсках і перасяляцца ў гарады і мястэчкі.

У мястэчку Радунь палова насельніцтва ў 19 стагоддзі складалі менавіта габрэі і было некалькі сінагог і малітоўных дамоў. Да нашага часу захаваўся каменны будынак ешывы. У пачатку 19 стагоддзя ў Радуні працавала сінагога і бейт мидраш, або зала, які прыстасаваны для вывучэння Торы.

У 1869 годзе заснавана была мясцовая Iешыва. Гэтую навучальную ўстанову ўзначаліў рабін Ісраэль Меер Коэн, які быў вядомы як «Хафец Хаім». Ісраэль Мэер Коэн Пупко (1838-1933) галахіст, мараліст і вядомы равін. Адзін з самых вядомых духоўных лідэраў Юдэяў Расіі і Польшчы. Пахаваны ў Радуні, і яго магіла з'яўляецца месцам паломніцтва. У Iешыве навучалася 200 вучняў і ў тым ліку яе скончыла 12 вядомых равінаў.

Пасля ўз'яднання Беларусі ў 1939 годзе і з прыходам савецкай улады ў Радунь, Іешыва і школа былі зачыненыя. Падчас гітлераўскай акупацыі было створана Мясцовае гета, якое было знішчана ў маі 1942 года - загінула каля 1100 чалавек.

У 1990-х гадах былі добраўпарадкаваны мясцовыя яўрэйскія могілкі і магіла Хафец Хаіма.

У добрым стане знаходзіцца будынак Iешывы, на якім нават захаваліся надпісы на іўрыце.